沙田區的午飯驚喜

Lunch時間 去親沙田 黎黎去去都食eugogo,越棧同譚仔

係等位期間 就行下有冇新選擇

點知係連城見到呢間

一於試新野

睇個門面 應該新開無耐

食飯時間 都算幾多人

好彩唔洗等太耐

基本上你可以散叫

揀湯底 面類  以及餸

或者你可以選擇叫佢揀定既

KAY仔同我決定左一人散叫一碗面

再試下佢個什錦拼盆

KAY的椰汁紅豆冰[右邊]

我果杯係馬尼拉茶[左邊]

勁好飲!! 佢味道似奶茶 但比一般奶茶更滑
佢果種奶味比一般更香 味道都幾特別

10分推介!!!

KAY點的冬蔭公湯底檬粉 BB辣

雖然顏色好似好紅 但竟然唔辣

以完全唔食辣的我都接受到

如果好辣人士應該要點中辣以上 唔係應該唔夠喉

冬蔭公湯味道好香 帶點清新的酸味 好開胃 好好味:D

我點既係牛骨清湯幼薯粉

牛味濃郁 唔似普通湯咁全部味精味

平日係絕對唔飲呢D湯底

今次都忍唔住飲左好多啖

佢係飲完都唔會覺得好咸好口乾 成口都味精的感覺

仲有呢個拼盆

其實兩碗面同飲品都上得好快

只係呢個拼盆等左半個鐘有多

三催四請都未黎

最後搞到差唔多發脾氣話唔要先黎

除左呢樣 其餘都好OK

呢個拼盆最值得一讚既係佢的柚子沙律

用沙田柚黎整 非常清新 開胃 有別一般沙律的甜膩

佢無用沙律醬 用一D泰式酸酸地既汁 配埋清甜既沙田柚 值得一試!!

其他既燒蝦,蝦餅,魚餅,串燒同豬頸肉都唔係太特別

不過我覺得$108叫既拼盆份量算少 唔係太抵(可能因為得個沙律係好好食)

所以下次都係淨點沙律已經夠

(單點半份只係$30)

整體黎講

呢間都係抵食 而且好味

下次會再黎試其他野食

(見到隔離枱個海南雞飯都幾吸引)